Page 15 - Иван Ногиев (Парма Вань) - Евлог да сылöн ёртъяс

— Но, Гриша, — тэрмöдлыштiс сiйöс учительница. — Кутшöм тöлыссянь
заводитчö воыс?

Детинка чöв олiс, но зэв ёна мöвпалiс, быттьö кöсйис дум вылас уськöдны
тöлысьлысь нимсö.
— Катя, отсышт Гришалы. Висьтав, кутшöм тöлысь локтö Выль во бöрын?

— Январь, — збоя вочавидзис нывка.
— Январь! — зэв гораа да ярскöба шуис Гриша да бара ланьтiс.
— Водзö, Гриша, водзö, — тэрмöдлö Василиса Николаевна.
Детинка чöв олiс, мыйкö нускис ас кежсьыс да плешсö чукралöмöн думайтiс.

— Висьтав, Гриша, висьтав, — корис учительница.
— Январь! — бара зэв гораа шуис детинка да кызöктiс.
Та бöрын бара вель дыр кежлö ланьтiс.
— Январь, — шуис нöшта недыр мысти.

Велöдчысьяс гусьöникöн видзöдлывлiсны öта-мöд вылас да нюмъялiсны.
— Ноко, Зоя, висьтав, кутшöм тöлысь мунö январь бöрас?
— Январь бöрын локтö февраль, — вочавидзис нывка.
— А кутшöм тöлысь февраль бöрас, Гриша? Öдйöджык, öд ставöн тэнö виччы-

сям! Öнi кутшöм тöлысь?
— Вайлы ассьыд тетрадьтö, — Василиса Николаевна восьтiс детинкалысь
тетрадьсö да гораа лыддис. — Январ кöкъямысдасöд лун.
И ставöн серöктiсны.