Page 11 - Иван Ногиев (Парма Вань) - Евлог да сылöн ёртъяс

— Кутшöмöс кöсъям — сэтшöмöс и новлам! — бугжыльтчис Тарас.
— Локтöй, гортö каям, мед, колöкö, öтнанныс и купайтчöны, — вöзйис Гри-

ша. — Локтiсны кыськö да быттьö найö и эмöсь.
— Энö кайöй, энö! — сувтöдiс найöс Вась Коля, кодi вöлi Кирдасаяс пиысь
медыджыдыс. Сэсся бергöдчис Митрей да Сергейлань: — Мый нö челядь вы-

лас сераланныд? Абу öд найö мыжаöсь. Асьныд на неважöн гачтöгныд котралiн-
ныд…
Купайтчисны пöттöдзыс, ёна и суналiсны да резсисны ванас. Петiсны сöмын
сэки, кор лöзöдмöныс кынмисны.

Гортас Евлог матыстчис мамыс дорö.
— Мамö, меным колö детина трусик.
— Мый нö сiдз?
— Купайтчигад Кирдасаыд сералöны, нывскöй пö.

— Мед сералöны.
— Но öд ме ыджыд нин, ог кут сэсся гачтöг купайтчыны, яндзим. А трусикöй
сöмын нывскöй.
— Час, лöсьöдам, лöсьöдам, пиук. Он кут гожöмнас нывскöй трусикъяс нов-

лыны. Но тöвнас öд некод оз аддзы, сэки, ме думысь, новлан на чойыдлысь?
— Тöвнад, гашкö, и новла на. Но гожöмнад детина трусик колö.
— Кöнкö со тшапитчысь нин кылö, — нюмъялöмöн видзöдiс пи вылас Пекла.