Page 9 - Иван Ногиев (Парма Вань) - Евлог да сылöн ёртъяс

Нывскöй

Евлог унатор новлiс ыджыд чой Катялöн важ кöлуйсьыс. Кор пасьтавнытö
нинöм, сы вылö тай он видзöд, мый эм, сiйöс и кышалан. Да и став челядьыс сик-
тын сiдзи быдмисны. Но öтчыд гожöмнас праздник лунö локтiсны Демаö орчча

Кирда грездысь челядь. На лыдын вöлiны и гырысьджыкъяс — Вась Коля, Öлеш
Митрей да Елесь Сергей. Став араванас лэччисны ю дорö купайтчыны.
— Гриша, тэ кытчö мунан?! — горöдіс кильчö вывсяньыс Гришалöн ыджыд
мамыс.
— Купайтчыны лэччыла.
— Сöмын эн пыр джуджыдінас! Вöян кö — гортö эн лок!

— Но, — ылöсас вочавидзис, кöть нинöм эз и гöгöрво Гриша.
Кирдасаяс ваö пыралісны трусикöн. Тайö ёна чуймöдiс Евлогöс. Демаын
сэтшöм модаыс эз вöв, ставöн ваö пöрччысьлiсны пасьтöг. И нывкаяс, и детин-
каяс. Некод некодысь эз яндысь, сiдзи быттьö и колö. Дерт, гырысьяс накöд эз
шпольöдчывлыны, сöмын посни йылöм.

Тайöс аддзöм бöрын и Демасаяс тожö трусикъяссö эз пöрччыны. Кирдасаяс-
лöн ставныслöн вöлiны сьöд трусикъяс, кутшöмöс новлöны мужикъяс. Евлоглöн
жö — Катялöн кок помъясас резинаа еджыд трусик. Тараслöн сэтшöм жö, кöть
ыджыд чойыс сылöн абу, но сы бöрын новлысьыс уна на быдмö. Гришалöн и
трусикыс эз вöв, куш яй вылас гачсö пасьталöма, та вöсна сiйö весиг эз пöрччысь.
Сöмын Шурик вöлi сьöд трусика и сiйö дзодзöг моз юрсö вылö лэптöмöн мукöд
вылас видзöдiс.

— То, нывскöй трусикаöсь? — сералiгтырйи индiс Евлог вылö Öлеш Митрей.
— Абу öмöй öткодь? — чуймис Евлог.
— Абу, дерт, тi öмöй нывъяс? Мыйла татшöмсö новланныд? — водзö нуöдiс
Елесь Сергей. — Яндысьöй!

9