Page 6 - Иван Ногиев (Парма Вань) - Евлог да сылöн ёртъяс

кормушкА

Андрей видзöдö ывлаö гыöра öшинь пыр. А сэнi кöдзыдысла куткыртчöм
пышкайяс чивзöны да корсьысьöны сёян. А «Би кинь» журналысь Андрей ад-

дзылiс, мый тöв кежлас колö вöчавны лэбачьяслы кормушкаяс. Вот и матыст-
чис батьыс дорö: «Пап, вöчам кайяслы кормушка». Но батьыслы некор: «Тэ, пиö,
сiйöс ачыд нин верман вöчнытö. Эн мешайт меным». Мöдыс чуш нюжöдiс: «Но
и вöча, вот». Öдйö пасьтасис, кокъяссö сюйис гын сапöгъясас и ывла вылын

нин. Мыйысь и вöчны? Пыралiс пос улö, аддзис сэтысь паськыд чери банка,
кодi важöн нин сэнi туплясьö, петкöдiс да пуктiс потшöс майöг йылö. А мед эз
усь, кöрттувйöн тувъялiс. Котöрöн пыралiс чуланö, петкöдыштiс сэтысь шыдöс
да кисьтiс кормушкаö. Ачыс вешйис бокöджык да кутiс кыйöдчыны. Вель дыр

некод эз матыстчы, а сэсся öти пышкай казялiс, пуксис банка дор вылö да зэв
зiля кутiс кокасьны. Сы бöрын воисны и мукöд лэбачьяс. Дыр сулалiс Андрей да
радлiс налöн дзользьöм вылö.
Орчча керкаысь петiс Анна тьöт да юалiс: «Мый нö дзöля пиыс танi кын-

тысьö?» Мöдыс нюмъялiгтырйи индiс: «Со, кормушка вöчи». «Пырав, сiдзкö, ме
дорö, сета тэныд кайясыдлы сёян». Анна тьöтлöн пач дорас пуктöма стеклö бан-
ка, а сы пытшкын тырыс тöрöкан. Андрейлöн синмыс югзьылiс: «А мыйла нö
найö татчö пырöны? Мыйла бöрсö оз петны?» «Ме мавтыштi банка дорсö выйöн,

мед оз вермыны петны. А пытшкас пукта налы чöскыд сёян, и желльысь пос на
лöсьöда, мед сöмын пырöны. Петкöд тайö пеж гагъяссö да кисьт кормушкаад, а
банкасö бöр вай».
Андрей пыркнитiс жуысь йылöмсö кормушкаö. Гырысь гöрд тöрöканъяс пер-

войсö легыштiсны, но öдйö лöнисны, кöдзыдыс пыр жö виис найöс. Анна тьöт-
калы банкасö пыртöм бöрын Андрей бара сувтiс пельöс сайö, кутiс видзöдны

6