Page 5 - Иван Ногиев (Парма Вань) - Евлог да сылöн ёртъяс

вояссö. Велöдысь заводитiс лыддьыны, а велöдчысьяс мöвпалiсны да пасъялiсны
тетрадяныс, кутшöм воö, на серти, вöлi тайö. Сöмын Гриша нинöм эз гиж, пукалiс

зуньгыртчöмöн. Но, сылöн шуд вылö, Василиса Николаевна кусыньтiс буклетсö
да юалöмъяс вылас вочакывъясыс лоины Гришаладорын. Детинка ловзис. Сiйö
зэв зiля вуджöдалiс велöдысьлöн буклетысь датаяссö аслас тетрадьö. Майбыр, оз

весиг ков думайтны! Аддзынытö сiйö бура аддзö, синмыс бур.
Асшöр удж эштiс. Велöдысь чукöртiс тетрадьяс. Гришалöн зэв кыпыд лов вы-
лас, нюмыс вомас оз тöр, сiдзи и вöзйысьö ортсö. Öд тöдö, «5» сылöн зептас нин.
— Вай öнi жö видлалöй уджъяссö, — корис сiйö Василиса Николаевналысь.

— Мый, оз терпитсьы, — нюмдiс мöдыс. – Аскиöдз виччысьыштлы нин.
Гортас детинка весиг ошйысис мамыслы:
— Талун историяысь асшöр удж гижим. Ставсö кужи.
— Дерт?… — эскытöма видзöдлiс сы вылö мамыс.

Мöд урок вылын Василиса Николаевна тöдмöдiс велöдчысьясöс оценкаясöн
асшöр уджысь. Гриша сiдзи и педзö, быттьö ем вылын пукалö. Ачыс эськö тöдö,
мый сылöн «5», но öд мукöдыс оз на тöдны. Сiйö öти вылö видзöдлас, мöд вылö…
Но Василиса Николаевналöн кывъясыс лоины жар пывсянын йиа ва кодьöн:

— Менö зэв ёна шогöдiс Гриша, кодi лючки вочавидзöма сöмын öти юалöм
вылö, а мукöдсö сэтшöма гудралöма, мый и висьтавнысö оз позь. Сы ногöн кö:
Александр Невский немецкöй рыцаръясöс Чудскöй Ты вылын нöйтöма 1945
воын, Куликовскöй битва вöлöма 1812 воын, Наполеон уськöдчылöма Россия

вылö 1941 воын. Бара ковмис «2» пуктыны, нинöм он вöч.
Гриша пукалiс дзик рушмöм кушман кодь чужöма, мый-мый, а татшöмсö
некыдзи эз виччысь. Öд став датасö сiйö мичаа вуджöдiс Василиса Николаев-
налöн таблица вылысь, но эз куж чайтны, мый велöдысь лыддис лоöмторъяссö

улiсяньыс, а Гриша вочакывъяссö гижалiс вылiсяньыс.

5