Page 8 - Иван Ногиев (Парма Вань) - Евлог да сылöн ёртъяс
P. 8
«мАмö шуис...»
Выль платтьöа, мича туплиа Наташа зэв збоя тшолксьöдö моски кузя. Öти
киас сылöн сумка, а мöдас — ичöтик бидон. Талун Наташалöн чужан лун, сылы
тыри нёль арöс, сiйö нин ыджыд. Мамыс мöдöдiс нывкаöс магазинö öтнассö. Öд-
зöсыс воссьö сьöкыда, ёна колö асланьыд кыскыштны. Но Наташа век жö вермис.
Пырис да сувтiс öчередö. Сöмын ыджыд еджыд бантикыс тыдалö прилавок сай-
сяньыс.
— Мый нö Наташаыс ньöбö? — юалiс вузасьысь тётя Маша, кодi олö орчча
керкаын да бура тöдса нывкалы.
— Мамö шуис: нянь.
Наташа сувтöдiс нянь чöвпансö джоджö да пасьтöдiс сы вылö полиэтиленöвöй
пакет.
— Мамö шуис: мед оз няйтчы, — гöгöрвоöдiс
нывка, кор казялiс вузасьысьлысь чуймöмöн вид-
зöдöмсö.
— Но-но. А бидонад нö мый босьтан?
— Мамö шуис: нöк.
Тётя Маша пуктыштлiс бидонсö вески вылö,
кисьтiс тырыс нöк, вевттис топыда вевтнас да
мыччис Наташалы.
— На, эн кисьт.
— Ог, ме öд ыджыд нин, — нюммунiс мöдыс
да воськовтiс öдзöслань.
— Наташа, а деньгаыд нö?
— Мамö шуис: бидонас.
Серпасалiс Лопырева Владислава, Пожöгдiн грезд.
8