Page 12 - Иван Ногиев (Парма Вань) - Евлог да сылöн ёртъяс

тöрöкАН

Ичöт сиктад и школаыд ичöт. Öти вежöсын нёль класс велöдчö. Сёр вылас
öшалö ыджыд карта, кодi юкö классö кык пельö. Челядь радейтöны ворсны карта

кузя. Öти аддзас кутшöмкö ним да шуö сiйöс, а мукöдыс корсьöны. Кодi аддзас
медводз, сiйö мукöдыслы сетö выль географическöй ним корсьны. Карта саяс
пемыд, сэнi сулалöны книга тыра шкапъяс, тайö — библиотека.
Василиса Николаевна висьталö нёльöд класса велöдчысьяслы монголо-тата-

ралöн Русь вылö уськöдчöм йылысь.
Евлог дзоргö карта вылö, а сэнi Китайладорсянь вывлань кайö ыджыд рыжöй
тöрöкан. Сiйö легöдö кузь усъяссö, а бöрас кыскö ыджыд кольк, код пытшкын,
тайö Евлог бура тöдö, тырыс посньыдик еджыд тöрöканпи. Кыдзи сöмын сылöн

кокъясыс вермöны кутчысьны шыльыд бумагаас? Оз öд вильды да усь ни!
Евлог оз нин кыв Василиса Николаевнаöс. Детинка сюся видзöдö тöрöкан
бöрся, кодi, кузь усъяссö легöдiгтырйи Монголиясянь вöрзьöдчис рытыввылö.
Тайö абу нин тöрöкан, а ачыс Чингизхан. Усъясыс пöрины чукля сабляясö. А

бöрсяньыс оз нин тöрöканпиян тыра кольк кыссьы, а уна лыда векни синъяса
верзьöма воинъяс. Тöрöканöс эз сувтöдны ни Байкал, ни Сибирса гырысь юяс:
Обь, Енисей, Лена. Уральскöй Гöраяс водзын сiйö джöмдылiс, дерт, кöнкö, мö-
впалiс, вуджны найöс веськыда, али кытшовтны. Сулалыштiс, сэсся мöдöдчис

лунвылö, шаркöдiс Казахстанса степъястi да лунвывсянь кутiс матыстчыны Мо-
сквалань. Тайöс нин Евлог эз вермы терпитны, сiйö вöлi дась чеччыны да швач-
нитны тöрöкансö, мед сiйö оз вермы босьтны Русьлысь юркарсö. Но сiйöс торкö
Василиса Николаевна:

— Евлогий, ноко висьтав, кодъяс вöлiны Киевскöй Русьлöн медся лёк врагъ-
ясыс?

12